Injured	Killed
1	0

Date: 31 July 2013
Source: Bombo Radyo

NAGA CITY – Inaaram pa ngunyan kan mga otoridad an tunay na motibo kan suspetsado sa ginibong pananaksak sa sarong lalaki sa Lucena City.

 

Binisto an suspetsado na si Ronnie Abenoja Herico, 50 anyos asin residente kan La Suerte Home Barangay Cotta sa nasambitang siudad.

 

Sa ipinaabot na impormasyon kan Quezon Police Provincial sa Bombo Radyo Naga, napag-araman na nangyari an insidente sa Purok Mutya sa parehong barangay.

 

Nagtuturog sana suboot an 33-anyos na biktimang si Ronald Cerdeña Garin sa laog kan saindang harong sa nasambitang lugar kan biglang nag-abot an suspetsado dara an sarong patarom.

 

Mayong anu-ano, pinagsasaksak suboot kaini an biktima nin pirang ulit sa daghan kaini.

 

Ipigdalagan sa Quezon Medical Hospital an biktima kan saiyang live-in partner mantang tulos man na duminulag an suspetsado matapos an

ginibong krimen dara an pataraom na ginamit kaini.

 

Mientrastanto pinaghahanap pa ngunyan kan Lucena PNP an nasambitan nang suspetsado na nahahampang na sa kasong frustrated murder.