Injured	Killed
1	0

Date: 05 July 2013
Source: Bombo Radyo

NAGA CITY – Kritikal an sarong lalaki matapos na pagsasaksakon kan kainuman sa banwaan nin San Fernando digdi sa Camarines Sur. Binisto an biktima na si Ronald Batangoso, 30 anyos na taga Barangay Alyansa sa nasambitang banwaan.

 

Sa nakuang impormasyon kan Bombo Radyo Naga, napag-araman na nag-iinuman an biktima asin an suspetsado na si Felipe Sibulo, 38 anyos kan parehong lugar asin parientes sana man ni Batangoso.

 

Bigla na sana suboot napikon an suspetsado kan magtao nin abiso an biktima dapit sa problema kaini sa pamilya. Suway kaya suboot si Sibulo sa agom kaini.

 

Dara na man kan impluwensya nin arak, nagdiklom an paghiling ni Sibulo asin mayong anu-anong pinagsasaksak sa tagiliran si Batangoso na isinugod man tulos sa Bicol Medical Center.

 

Mientrastanto padagos pang pinaghahanap kan mga otoridad an suspetsado na posibleng mahampang sa kasong physical injury.