Injured	Killed
0	1

Date: 07 February 2013
Source: Bombo Radyo

TACLOBAN CITY – Guin bubligan pag-chop-chop han upat nga magbugto an usa nga lalaki tungod la daw ha guin tanom nga gaway ha guin aarawayan nga boundary han tuna ha butnga han mga suspek ngan han biktima ha Sitio Sagni, Brgy. Del Pilar, Basey, Samar.

Sumala kan P02 Winiefredo Bacasno, natunga an ulo han biktima nga hi Elias Garin, 53, ngan residente han mao nga barangay, kun diin waray pa daw nakuntento an magbugto nga suspek nga hira Gil, Rocky, Rommel ngan Randy Baclas kun diin brutal pa nira nga guin tigbas hi Garin bisan waray na ini kinabuhi.

Dugang pa ni PO2 Bacasno nga nakuha nala nira an patay nga lawas ni Garin nga utod – utod na an pira nga mga parte han kalawasan hini tungod ha deri maubos nga napulo nga tigbas.

Nabaruan guihapon nga hubog an magbugto dida han buhaton an mao nga krimen.

Samtang ha pagkayana in guin hahalpat han mga kapulisan an mga suspek nga tumakas kahuman han mao nga insidente.