Injured	Killed
0	1

Date: 28 May 2013
Source: Bombo Radyo

CAGAYAN DE ORO CITY-Anaa karon sa kritikal nga kahimtang ang usa ka lalaki nga napusilan diha sa Punta Gorda, Jasaan, Misamis Oriental kaganinang sayo sa kadlawon.

 

Naila ang biktima nga si Samuel Carpentero, 45 anyos, ulitawo nga lumad nga taga Iligan City.

 

Usa matud pa ka wala mailang suspek ang mipusil sa biktima gamit ang wala matinong kalibre sa armas samtang kini naligo sa dagat.

 

Na-igo sa iyang to-ong dughan ug tiyan ang biktima, kinsa padayon pang gitambalan diha sa Northern Mindanao Medical Center. 

 

Gitoohan sa kapolisan nga pagdumot ang motibo sa maong pagpamusil.