Injured	Killed
0	1

Date: 13 April 2013
Source: Bombo Radyo

Davao City- Nakaplagang patay sulod sa iyang balay ang us aka Mauricio dela Pena , 38 anyos residente sa Sitio Balisong, Brgy. Sinawilan, Digos City, human gipusil patay.

Gipusil ang biktima samtang natulog sa iyang balay sa wala pa nailhing suspek.

Ang biktima nakaangkon og samad pinsulan sa bahin sa iyang ilok nga maoy hinungdan sa sayong kamatayon niini.

Nakadungog sumala pa ang mga silingan ang naasoy nga buto sa armas apan wala nila kini gitagad.

Kaganihang buntag nakurat na lamang sila dihang nasayran nga gipusil patay si dela Pena.

Sumala sa asawa sa biktima nga si Merlyn dela Pena , mibiya siya mga alas 6:00 sa gabie sa ilang balay aron dalhon ang iyang anak sa ospital nga adunay kalintura ug giatake og hubak.

Kaganihang buntag gimanduan niini ang iyang pag-umangkon nga muuli ug mukuha sa ilang pagkaon og sinina tungod kay naadmit ang ilang anak, apan dali nga mibalik ang iyang pag-umangkon aron itaho ang maong balita.

Gilayon nga midagan ang asawa padulong sa ilang balay kung diin nakit-an pa niini nga naligo sa kaugalingon nga dugo ang iyang bana.

Gipahayag niini nga ang iyang bayaw, nga si Anthony Agan, ang miadto sa ilang balay niadtong milabay nga gabie nga nagpabuto pa og armas dungan sa bahad sa iyang bana nga patyon kini butang nga wala silay kasayuran ngano nasuko ang iyang bayaw.

Hinungdan gilayon sila nga misumbong sa mga kapulisan ug didto gisikop ug gipriso si Agad.

Natingala sila kung ngano gipusil patay si Mauricio , tungod si Agan anaa sa prisuhan, apan dako ang ilang pagtuo nga mga higala ni Agan ang responsable sa naasoy nga pagpusil patay sa biktima.