Injured	Killed
0	1

Date: 19 April 2013
Source: Bombo Radyo

CAGAYAN DE ORO CITY – Patay ang usa ka lalaki nga gipusil samtang nag-inom kauban ang mga higala niini sulod sa KTV bar sa Taal-Rizal Sts dinhi sa syudad ng Cagayan de Oro.

Giila ang biktima nga si Jonathan Elaco, 32-anyos nga residente sa Macahambus- Burgos Sts ning dakbayan.

Unom matud pa ka lalaki nga sakay sa motorsiklo ang mipusil sa biktima hinungdang naigo kini sa dughan,paa ug braso.

Nakuha sa kapolisan sa crime scene ang pipila ka empty shells sa .45 caliber pistol.

Una niini,nagtoo ang magulan nga igsoon sa biktima nga si Melody Cobense nga posibleng may kalambutan sa gidiling droga ang hinungdan sa pagpusil kaniya.

Giangkon usab ni Cobense nga migamit sa droga si Elaco apan dili matud pa niya masayran kon nagbaligya pa kini sa gidiling drogas.

Hisayrang bisan ang mga kapolisan ang blangko pa sa pagpatay sa biktima ilabina nga wala sila’y nakitang bisan unsang criminal record ning dakbayan.