Injured	Killed
1	0

Date: 21 January 2013
Source: http://www.sunstar.com.ph/superbalita-cagayan-de-oro/balita/2013/01/21/lalaki-giposposan-og-kalibre-45-263935

TAKDO usa ka semana gikan gipatuman ang Commission on Election gun ban usa ka lalaki ang nilanding sa balay tambalanan human kini giposposan og kalibre .45 kagahapon mga alas 6:00 sa buntag diha sa Divisoria ning siyudad sa Cagayan de Oro.

Giila ang biktima nga mao si Jhapet Caingin, 23, ulitawo, taga Zone-5, Pasil, Kauswagan ning siyudad.

Saysay sa higala sa biktima nga kauban niini niadtong tungora nga nagbaklay lamang sila duol sa kan-anan sa usa ka dapit dihang kalit lang miduol ang usa ka wala mailang lalaki.

Si Caingin ang giduol gyod sa suspek ug deretsong giposposan sa pulohan sa kalibre .45 hinungdan nga deretsong nakuyapan ang bikitima gumikan sa kasakit nga gibati sa ulo niini gawas pa nga daan na nga apektado og ilimnong makahubog ang biktima niadtong tungora.

Wala usab makalaban ang mga kauban sa biktima niadtong tungora sa ilang kahadlok nga basin sila pusilon niini. Yano lang dayon kaayong milakaw ang wala mailang suspetsado.

Dako ang ilang pagtuo nga namay-ongan lang ang biktima ug natripingan labina gikatahong walay sukad gikaaway ang biktima.

Unang gidala sa mga kauban ang biktima sa Northern Mindanao Medical Center (NMMC) kinsa ubos pa sa obserbasyon human nawad-an og panimuot. Usa dayon mipaingon sa Police Station 1 (PS1) sa Divisoria aron ipa blotter ang hitabo.

Nipasalig ang kapolisan nga pangitaon ang maong suspek labina dako ang pagsupak niini sa gipatumang gun ban.