Ang biktima ginkilala nga si Christopher Singco, 34-anyos sang Brgy. Baguingin, Tigbauan, Iloilo.

 

Sa interview sang Bombo Radyo kay Police S/Insp. Janilo Gepana, hepe sang Tigbauan Municipal Police Station, ginlayasan sang iya asawa ang biktima bangud sa ginapahayag pagpanginbabaye sini kag nagpauli sa iya mga ginikanan.

 

Samtang hubog, ginpadulungan sang biktima ang iya asawa sa balay sang ugangan sini.

 

Matapos naman mahibaluan nga may dala nga pusil ang biktima, ginpunggan ini nga makasulod sang iya ugangan nga babaye tubtub nagdumugay sila.

 

Sang makit-an sang suspetsado ang dumugay sang biktima kag iloy sini, iya ginluthang ang biktima gamit ang .38 caliber revolver.

 

Naigu sang bala ang biktima sa tiyan nga ginkamatay sini samtang kaso naman nga homicide with the use of unlicensed firearms ang ipasaka sa suspetsado.