Injured	Killed
0	1

Date: 03 April 2013
Source: Bombo Radyo

ILOILO CITY– Patay ang isa ka lalaki matapos ginluthang sa gwa sang Gaisano City mall sa Luna, Lapaz.

Ang insidente natabu pasado alas 2:00 kaina sang hapon sa diin hinali lang ginluthang sang suspetsado nga sakay sa motorsiklo ang biktima nga ginkilala kay Dario Duran, 48 anyos sang Caingin, Lapaz.

Ang biktima nag-angkon sang apat ka pilas sa diin sunu sa mga nakakita, gin-finishing pa ini sang suspetsado paagi sa pagluthang sa liog.

Matapos ang krimen, nakit-an ang suspetsado nga nagpalagyo sakay sa motorsiklo padulong sa Brgy. Nabitasan, Lapaz, Iloilo.

Ang biktima ginhingagaw naman dala sa West Visayas State University Medical Center apang gindeklarar patay.

Sunu kay SPO1 Jessie Cabial, imbestigador sang Lapaz PNP, isa sa ila ginasundan nga motibo sa krimen ang impormasyon nga nakuha nga isa ka parolado ang biktima.