Injured	Killed
0	1

Date: 07 February 2013
Source: Bombo Radyo

ILOILO CITY– Isa ang patay matapos mabun-an sa binayle sa Brgy. Ayong, Cabatuan, Iloilo.

Ang biktima ginkilala kay John Aledo y Montesco, 35 anyos, may asawa kag residente sang Magsaysay St., Maasin, Iloilo.

Sunu kay Police S/Insp. Efren Nembra, hepe sang Cabatuan Police Station, natabu ang insidente pasado alas 4:00 kaina sang kaagahon sang liwat ginpatokar ang sound system agud makapadayun sa binayle ang mga tawo sa lugar.

Sa pagpangusisa sang mga pulis, ginsaway tubtub nabun-an ang biktima sa diin ini ang dead on the spot matapos mag-angkon sang pito tanan ka buno, 2 sa liog kag 5 sa dughan.

Atlarge naman ang suspek nga nakilala kay Vincent Mayormente sang Brgy. Anwang, Cabatuan, Iloilo.