Injured	Killed
1	0

Date: 25 May 2013
Source: Bombo Radyo

CEBU CITY – Pasaka-an ug kasong Attempted murder ang usa ka lalaki nga nang-hostage ug 9-anyos didto sa Block 3 Missionaries barangay Suba dakbayan sa Sugbo.

 

Nailhan ang biktimang bata nga gi-hostage nga si Frankie Rehlla Inso Ybañez samtang ang hostage-taker mao si Polinario Nanoy Pulong nga nagpuyo usab sa maong dapit.

 

Gigamit sa suspek sa pagpang-hostage ang 9 ka pulgada nga kutsilyo ug nilanat ug usa ka oras ang hostage-taking.

 

Sa pagkakarun padayon pang gisuta pa sa kapulisan kung unsa ang problema sa hostage-taker tungod kay dili na kini matingog human nga gikulata sa mga tambay nga nakasaksi sa maong hitabo ug karun anaa sa kritikal nga kondisyon sa usa ka tambalanan.

 

Samtang ang gi-hostage nga bata dali usab nga gidala sa Cebu City Medical Center alang sa psychological treatment.