Injured	Killed
0	1

Date: 31 August 2013
Source: Bombo Radyo

NAGA CITY – Dai na nagibo pang bunuton kan sarong lalaki an saiyang badil matapos maenotang pagtatagaon kan ka-barangay sa Catanauan, Quezon.

 

Binisto an biktima na si Generoso Paclarin, 47 anyos asin residente kan Barangay Bolo, sa nasambitang banwaan.

 

Sa nakuang impormasyon kan Bombo Radyo Naga, napag-araman na mantang nagkakawat nin cara y cruz an biktima kaiba an mga amigo kaini kan mag-abot an suspetsado na si Noel Reforma, 51 anyos asin residente kan parehong lugar.

 

Anggot suboot ining nagkurahaw na “daugon mo na yan mga kalaban mo, para mapasaimo na an mga kwarta ninda.”

 

Napikon an biktima asin hinamon nin suntukan an suspetsado na tulos man na iniluwas an darang sundang asin pigprubarang tagaon an biktima alagad nakalahos ini.

 

Nagpuli an biktima asin kinua an pag-sasadiring badil alagad huri na an gabos kan tagaon ini kan suspetsado sa saiyang tulak.

 

Dai pa suboot nakuntento an suspetsado asin padagos na pinagtataga hasta sa magadan an biktima.

 

Nakatinir ngonian an bangkay kan biktima sa St. Peter Funeral Parlor mantang nasa kustodiya naman kan Catanuan Municipal Police Station an suspetsado na nahahampang na sa kasong homicide.