Injured	Killed
0	1

Date: 28 June 2013
Source: Bombo Radyo

NAGA CITY – Iniimbestigaran ngonian kan otoridad an nangyaring shooting incident na ikinagadan kan sarong lalaki sa Libmanan digdi sa Camarines Sur.

 

Binisto ining si Nilo Lanticsi 51-anyos kan Barangay Malinaw kun sain nangyaro an insidente.

 

Sa intribista kan Bombo Radyo Naga ki P/Supt. Romeo Pillonar bigla na sanang binadil an biktima mantang naglalakaw kan dae nabistong mga suspetsado.

 

Dinara pa man suboot ini sa ospital alagad ipigdeklarar na dead on arrival huli naman sa tama nin balang sinapo.

 

Narekober sa lugar kan pinangyarihan an 15 pidasong live ammunition kan 9mm pistol, 3 slug asin 6 empty shell nin kalibre nin baril.

Sa ngonian, pinaghahanap na an mga suspetsado na nagdulag makalihis kan ginibong pambabadil.