Injured	Killed
1	0

Date: 13 April 2013
Source: Bombo Radyo

GENERAL SANTOS CITY-Samaron ang usa ka lalake human nga gipusil sa pulis sa natigayong hostage taking sa Lun Padido, Malapatan, Sarangani Province.

Ang biktima ang nailhan sa pangalan nga si Dodong Comahig nga residente sa maong lugar.

Gikabutyag nga ang biktima ang maoy nanghostage sa iyang uyuan human nga gimaymayan nga dili tinood ang nadawat nga report.

Sumala pa nga ang biktima ang naglakaw lang gikan sa Tupi, South Cotabato padulong sa Lun Padidu.

Pag-abot sa maong lugar nasuko gumikan gatuo nga gipatay ang iyang inahan gawas pa nga gikaon.

Samtang gimaymayan sa uyuan wala gihapon gatuo nga nagresulta sa pagpanghostage.

Tungod niini nagrespondi ang Malapatan PNP sa nahitabo apan wala gihapon nagpatuo og gisulayan pa sa pagtigbas si Police Inspector Rodel Javison, deputy chief sa Malapatan PNP hinungdan gipusil.

Ang biktima ang gikaingon nga adunay deperensya sa panghuna-huna og gitambalan sa ospital sa GenSan.