Injured	Killed
0	1

Date: 17 April 2013
Source: Bombo Radyo

DAGUPAN CITY – Dahil sa naantalang tulog ay walang awang pinagsasaksak ng 42-anyos na lalaki ang kaniyang kapatid sa lungsod ng San Carlos, Pangasinan.

Nakilala ang biktima na si Rodrigo Binetez, 39, habang ang suspek ay ang nakatatandang kapatid nito na si Roberto Binetez na kapwa residente ng Brgy Pangalangan sa nabanggit na siyudad.

Ayon sa impormasyon, bago ang insidente, nag-inuman pa ang magkapatid sa tahanan ng suspek.

Dahil sa kalasingan ay agad nakatulog ang suspek ngunit biglang nagising dahil sa 
narinig na ingay.

Pagkamulat nito ay nakita niya ang kaniyang kapatid at nagkaroon ang mga ito ng mainit na pagtatalo.

Nauwi ito sa pananaksak ng suspek sa nakababatang kapatid na isinugod sa pagamutan ngunit idineklarang dead on arrival.