Injured	Killed
0	0

Date: 09 June 2013
Source: Bombo Radyo

KALIBO, Aklan – Sangka Korean national nga nagapanag-iya it spa sa isla it Boracay ro gintakawan it kwarta it anang marketing manager nga sangka Koreano man.

 

Insigidang nagdangop sa Boracay Tourist Assistance Center (BTAC) ro biktimang si Hyung Min Chang, 42, sangka negosyante ag taga-South Korea, apang temporaryong naga-istar sa Sitio Ambolong, Brgy. Manoc-manoc sa nasambit nga isla agud nga itau ro anang panaysayon.

 

Samtang ro suspek hay nakilaea kay Chin Hun Hyo alyas Yuchi, 34, ag temporaryo man nga naga-istar sa Boracay.

 

Base sa pahayag ni Po2 Joy Raot-Raot it BTAC nga nagreklamo kanda ro biktima matapos nga ginpaeagiw sigon it suspek ro kwarta nga gintiwala kana nga kita it andang spa umpisa ko Marso hasta Mayo it makaron nga dag-on nga naga-abot sa P1.8 million.

 

Sa makaron hay indi eon makita ro suspek ag ginapatihan nga nakaguwa eon it Aklan.