Injured	Killed
0	0

Date: 21 April 2013
Source: Bombo Radyo

KALIBO, AKLAN – Isang bakasyunistang Koreano ang nabiktima ng snatching sa Cagban, Boracay.

Personal na dumulog sa Boracay Tourist Assistance Center (BTAC) ang biktimang si Sang Hu Kyun, Korean national, nagbabakasyon sa isla at nag-aaral sa siyudad ng Iloilo.

Base sa pahayag ng biktima, nakasakay ito sa tricycle papuntang front beach nang biglang lapitan ng isang lalaki at inagaw ang kanyang bag na nakapatong sa kanyang hita na naglalaman ng isang laptop, ipod, cellphone, pera na P10,000 at iba pang kagamitan.

Mahina lamang umano ang takbo ng tricycle dahil sa paakyat na direksyon ng kalsada. Patuloy naman ngayon ang isinasagawang imbestigasyon ng pulisya sa pagkakakilanlan ng suspek.