Injured	Killed
1	0

Date: 14 March 2013
Source: GMA News

Inoobserbahan ngayon sa ospital ang isang architecture student sa Cebu City matapos siyang barilin sa dibdib ng mga hindi pa nakilalang suspek na tumangay ng kanyang cellular phone nitong Martes ng hatinggabi.

Ayon kay Ritchie Labajo, tumulong at nagdala sa ospital sa biktimang si Ralane Lagudas, nakarinig siya ng sigaw na humihingi ng tulong at nasundan ng putok ng baril.

Kasunod nito ay nakita na niya nakahandusay ang estudyante sa gilid ng kalsada sa Brgy. Labangon at Salvador extension.

Mabilis umanong tumakas ang mga suspek sakay ng motorsiklo dala ang cell phone ng biktima.

Patuloy naman ang isinasagawang imbestigasyon ng pulisya sa nangyaring insidente. —LAMRondina/FRJ, GMA News