Injured	Killed
0	0

Date: 13 April 2013
Source: Bombo Radyo

CAGAYAN DE ORO CITY – Narekober na sa mga otoridad kaganinang buntag ang usa ka sakyanan nga gitoohang gikarnap niadtong miaging adlaw diha sa may dalan Tiano-Gomez ning syudad.

Pinaagi sa gihimong pagpaningkamot sa kapulisan ilabina sa mga Intel Operatives sa Highway Patrol Group, ilang nakita nga gi-abandona sa dalan JR Borja-Pabayo ning syudad ang usa ka Crosswind nga nagdala sa plate number nga FFG 518 kolor grey nga gipanag-iyahan ni Marisol Bunhi.

Matud ni C/Insp. Henry Cay-as, hepe sa Divisoria Police Station nga base sa ilang gihimong pakisusi walay nawala nga butang sa tag-iya sulod sa maong sakyanan hinungdan nga dako ang ilang pagtoo nga sakyanan mismo ang tuyo nga kawaton sa mga suspek.

Tungod pa sa ilang gipatuman nga hugot nga checkpoint sa tibook syudad hinungdan nga nakadesisyon ang mga suspek nga kini i-abandona kaysa sila madakpan.

Una niini, mi-report sa kapulisan ang usa ka Marisol Bunhi human kalit lamang na-missing ang iyang sakyanan samtang giparking diha sa may dalan Tiano-Gomez ning syudad niadtong adlaw’ng Dominggo.