NASA malubhang kalagayan ngayon ang isang lalaki matapos saksakin ng 23 beses ng kanyang kainuman sa hindi malamang dahilan sa Sarangani Province.

Kinilala ang biktima na si Nerbert Ramos, alyas Obing Pungkol, 38, ng Poblacion, Glan, Sarangani province.

Nabatid na alas-9 ng gabi habang nag-iinuman ang biktima at suspek na si Edgar Watin nang basta na lang mag-away at magsuntukan hanggang mauwi sa pananaksak.

Kaagad namang tumakas ang suspek matapos ang insidente na pinaghahanap na ngayon ng mga pulis.