Injured	Killed
0	1

Date: 31 July 2013
Source: Bombo Radyo

TACLOBAN CITY – May lead na yana an kapulisan ha tulo nga mga suspek nga nanhold-up ha usa nga pawnshop ha Catarman, Northern Samar na ikinamatay han duha nga empleyado.

 

Iini an guinsiring ni P/Supt. Bernardo Raquiza, hepe han Catarnman PNP han pakighimangraw han Bombo Radyo Tacloban.

 

Nagdumiri naman hi PSupt. Raquiza nga ighatag an mga ngaran han mga suspek tungod nga waray pa daw ini nira madakop ngan nagpapadayon pa an ira pag-alinsusunod hini.

 

Una hini, alas 8:00 han aga dida han naglabay nga duha kaadlaw han sudlon han mga nagpakamotorsiklo nga mga suspek an Palawan pawnshop ha Barangay Zone 3, University of Eastern Philippines (UEP) campus , ha mao nga lugar.

 

Ha inisyal nga imbestigasyon han catarman PNP, ka-aabri pala daw han teller han mao nga pawnshop ngan waray guihapon ini security guard ngan closed circuit television camera (CCTV)

 

Sumala pa ha report, posible nga umato an 2 nga mga empleyado kun diin guinpusil an mga ini nga dayon naman nga iguinkaawat han kinabuhi ni Diane Banez, 21-anyos, resedente han mao nga lugar samtang nadara ha Catarman Doctor’s Hospital hi Mae Harvy Elejino.

 

Samtang, nabaruan nga waray may nadara nga kwarta an mga suspek.