Injured	Killed
0	2

Date: 31 March 2013
Source: Bombo Radyo

BUTUAN CITY – Gikondena sa kasundaluhan ang nahitabong pagdagit ug pagpatay sa mga rebelding New Peoples Army sa Agusan Del Sur ang ilang kanhi duha ka kaubanan nga mitahan na sa goberno .

Sa interbyu kang Lt. Col. Eugenio Julio Osias IV,spokesman 4th Infantry Division 4ID Philippine Army ,pugsanong gidagit sa mga rebelding NPA nga armado sa AK47 ug M16 armalite rifle nga gipanguluhan ni Renato Sayasat ang mga biktimang sila Julieto Acebedo Piling alias “Dimple Cocoy” ug Rodel Garcia alias “Brital”, mga residente sa Purok Nangka Tunnel 15, Road 17, Barangay Consuelo, Bunawan, Agusan Del Sur.

Sigon pa sa opisyal naa sa panimalay ni Yurie Eupenia,ang mga biktima dihang nang abot ang mga rebelde ug kadto ang katpusang higayong nga nakitang buhi ang mga biktima.

Sa sunod nga adlaw alas-4:00 sa hapon napalgan ang patayng lawas sa mga niini sa Sito Blue Tent, Purok 12, Barangay Bayugan 3, Rosario, Agusan del Sur nga dunay daghang samad pinusilan sa ilang kalawasan.

Samtang nagpadayon ang follow-up investigation sa insedente.