ILOILO CITY – Muli na namang hinarass ng mga rebelde ang kampo ng Charlie Company ng 82nd Infantry Batallion ng Philippine Army sa Brgy. Igtalungon, Igbaras, Iloilo.

 

Tumagal ng halos 10 minuto ang pagpapaputok ng pinaniniwalaang mga miyembro ng New People’s Army (NPA).

 

Napag-alaman na noong nakaraang linggo, pinaputukan din ng pinaniniwalaang mga rebelde ang nabanggit na kampo ng militar.

 

Tiniyak naman ni Sgt. Fundal mula sa Charlie Company na kontrolado nila ang sitwasyon at hindi natinag sa pangha-harass ng mga rebelde.