Injured	Killed
1	0

Date: 31 March 2013
Source: Bombo Radyo

ZAMBOANGA CITY – Kritikal ngayon ang kondisyon ng isang barangay kagawad makaraang barilin ng hindi nakilalang salarin sa may highway ng Barangay Pangi, Ipil, Zamboanga Sinuagy.

Nagtamo ng apat na tama ng bala ng caliber .45 pistol sa iba’t ibang parte ng katawan ang biktimang si Montasir Sala Singa, 40, kasalukuyang barangay kagawad ng nabanggit na lugar.

Batay sa report ng Ipil municipal police station, nakasakay sa kanyang motorsiklo ang biktima pasado alas-3:00 noong nakaraang hapon nang barilin ng riding-in-tandem gunmen.

Personal na galit ang isa sa na tinitingnang motibo ngayon ng pulisya sa nasabing pangyayari.

Unang isinugod sa pagamutan sa bayan ng Ipil ang biktima at kaagad ding inilipat sa isang ospital dito sa Zamboanga City dahil sa seryosong kondisyon nito.

Patuloy pa ring nangangalap ng mga impormasyon ngayon ang otoridad para matuloy ang mga responsable sa pamamaril. (MRDS)