Injured	Killed
0	1

Date: 23 January 2013
Source: http://www.sunstar.com.ph/superbalita-cagayan-de-oro/balita/2013/01/23/kagawad-gipatay-264349

Wednesday, January 23, 2013

GIDEKLARANG dead on arrival ang usa ka barangay kagawad human gipusil sa duha ka mga lalaking nagmotorsiklo niadtong nilabayng adlaw sa Brgy. Poblacion siyudad sa Velencia.

Giila ang biktima nga mao si Gino Antonio Zambrano, 27, residente sa susamang dapit.

Gibutyag ni Valencia City Mayor Leandro Jose Catarata sa usa ka sibyaanan sa radyo nga gikan pa sa sesyon ang biktima sulod sa Barangay Hall dihang pagkahuman miuli kini ug wala nakamatikod nga gisundan.

Gipusil deretso makalima ka higayon ang biktima ug uwahing gidul-itan ang ulo niini. Girespondehan ang hitabo sa Valencia City Police Office ug ilang nakumpirmang 9mm pistol ang gigamit sa pagpamusil human nakita sa crimescene ang pipila ka slugs.

Tulo ka igo sa bala sa likod niini samtang usa sa liog ug ulo nga maoy posibleng hinungdan nga dihang gidala kini sa balay tambalanan sa dapit gideklarar kining patay.

Dili makatuo ang mga kaila niini tungod kay nailang boutan nga tao ang biktima. Gani ning panahona bisan mga sibilyan ug mga kaila niini nagtabang na aron mailhan ang suspek.

Ang kapolisan usab milusad na og hot pursuit operation batok sa duha ka suspek nga daling misibat sakay sa motorsiklo human sa hitabo.