Injured	Killed
0	1

Date: 09 June 2013
Source: Bombo Radyo

CAGAYAN DE ORO CITY – Nagtingkagol karon sa bilangguan ang usa ka bana kinsa mitigbas-patay sa iyang kaipon diha sa may Purok 7, San Martin Villanueva sa Misamis Oriental.

 

Giila ang suspek nga si Leonard Meraz, 30-anyos, residente sa nasampit nga lugar.

 

Gitigbas sa suspek ang iyang ka-live in partner nga si Ronilyn Oral, 19-anyos, gamit ang sundang.

 

Nakaangkon og dakong samad sa ulo ang biktima hinungdan nga dali kining gidala sa balay-tambalanan apan wala na matabang pa sa doktor ang iyang kinabuhi.

 

Giingong hubog ang suspek sa dihang nahitabo ang krimen.

 

Detinado karon sa Villanueva Police Station ang suspek ug gikatakdang pasakaan kini og kaso.