Injured	Killed
0	1

Date: 05 July 2013
Source: Bombo Radyo

NAGA CITY – Pinaglalamayan ngonian an bangkay kan sarong lalaki, matapos na pagtatagaon sa siyudad nin Iriga digdi sa Camarines Sur.

Binisto ining si Edmundo ‘Don-don’ Abasalon 26-anyos kan Zone 6 Barangay San Pedro.

 

Sa intribista kan Bombo Radyo Naga ki PO3 Marsha Aquiler an tagapagtaram kan PNP-Iriga, sinabi kaini na nakikipag-inuman an biktima sa suspetsado na si Jay-ar Rañola asin sa pinsan kaining babae.

 

Sa katahawan kan saindang maogmang inuman, biglang tinaga kan suspetsado an biktima matapos suboot bastuson an saiyang pinsan.

 

Nagsapo nin taga sa saiyang payo, lawas asin liog asin nabanga pa an kamot ni Abasalon.

 

Alagad sa isinagibong imbestigasyon, napag-araman na an biktima asin babaeng pinsan kan suspetsado an may ipigtatago palan na relasyon.

 

Pighuna suboot kan suspetsado na binabastos an saiyang pinsan huli sa dae man kaini aram na may relasyon an duwa na napag-araman na parehas naman may agom.

 

Sa ngonian nakakulong asin naatubang na sa kasong murder an suspetsado na nagdulag makalihis kan insidente alagad nadakop matapos na itukdo kan mga nakahiling sa saiya.