Injured	Killed
0	1

Date: 31 July 2013
Source: Bombo Radyo

LEGAZPI CITY – Dagos nang binawian nin buhay ang sarung Indian national (bombay) makalihis an pirang aldaw na pakikipaglaban ki kamatayan.

 

Ang biktimang si Gurprem Singh Sran an binawian nin buhay kan nakalihis na Sabado, alas-6:25 nin banggi huli matinding tama nin bala sa saiyang payo gikan sa calibre 38 badil na pinaputok kan riding in tandem mantang ini an nagbabiyahe sa Provincial Road kan P-4, Barangay Nabonton, Ligao City.

 

Katakod kaini, mas pinahigot pa kan mga otoridad an pagbabantay sa saindang mga nasasakupan urog pa na sa mga nakalihis na bulan an sunod-sunod man na horoldapan kun saen, kadalasan na biktima an mga bombay partikular sa mga banwaan sa tersir distrito kan Albay.

 

Sa ngonyan an pinagpi-preparar naman an mga documentos kan biktima ngani na maibiyahe kan saiyang mga kapamilya pabalik sa saindang lugar sa VPO-Smalsar, Tehsil, Baghapurana, Distt Moga, India.