| Injured | Killed |
|---|---|
| 0 | 1 |
Date: 31 July 2013
Source: Bombo Radyo
LAOAG CITY – Dead on arrival iti Laoag City General Hospital (LCGH) ti maysa nga ina kalpasan a pinaltopaltogan ti riding in tandem iti maysa a gasoline station iti Brgy. Buttong, ciudad ti Laoag.
Nabigbig ti biktima a ni Leonida Benito, 60, addaan ti asawa ken residente iti nasao a barangay.
Segun kenni P/Chief Insp. Leland Benigno, deputy chief of police ti PNP Laoag, napasamak ti insidente bayat nga adda iti maysa a gasoline station ti biktima tapno mapan na sukunen ti anak na nga agtrabtrabaho kas kahera idi kellaat a dimteng ti motorsiklo a nagluganan ti dua a lallaki.
Apaman a nakaasideg ti motorsiklo kellaat lattan a pinaltopaltogan ti maysa kadagiti nakalugan ti biktima.
Dagus a naitaray ni Benito iti LCGH ngem saanen a naidanon a sibibiag.
Nakarekobre dagiti pulis ti 4 nga empty shells ti kalibre 45 iti nakapasamakan ti krimen.
Nagsagaba dagiti biktima ti tama ti bala iti nagduduma a paset ti bagi d a a poon ti nakatayan na.