KORONADAL CITY – Yara na sa “recovery stage” kag nagapabilin sa balaybululngan si Municipal Councilor Rene Aristosa sang Isulan , Sultan Kudarat matapos nga ginluthang sang “riding-in-tandem”.

 

Suno sa Isulan PNP, nagluntad ang pagpangluthang sa biktima kahapon sang aga sa atubangn sang puluy-an sini samtang nagapasulod ini sa gate matapos mag-jogging gikan sa plaza.

 

Nakaangkon sang igo sang bala si Aristosa sa iya nga likod nga naglapos sa liog sini.

 

Gilayon man ini nga nadala sa pinakamalapit nga balaybululngan rason nga naluwas ini kag wala ginbawian sang kabuhi.

 

Narekober sa crime scene ang isa ka empty shell sang kalibre 45.

 

Sa subong, nagapadayon ang inbestigasyon sang mga otoridad sa krimen kag ginahibalo na ang motibo sa pagpangluthang sa opisyal.