Injured	Killed
0	1

Date: 07 February 2013
Source: Bombo Radyo

TACLOBAN CITY – Padayon an imbestigasyon yana han mga otoridad han Calbayog City agud makilal-an na an suspect nga nagpusil-patay han usa nga barangay kapitan han Capacohan ha mao nga syudad.

Subay ha nahikay nga impormasyon han Bombo Radyo Tacloban,guinpusil hin waray kakilal-i nga suspetsado hi Barangay Kapitan Restituto Mag-ampo, 51-anyos samtang nag-iinom ini ha panimalay ni Maria Fe Polod kaupod an iya barangay kagawad nga hi Henry Cuizon ha Brgy. Obo-ob, Calbayog City.

Nahibaruan nga nasamaran guihapon an tag-iya han panimalay nga hi Polod tungod ha insidente.

Guinkikitaan naman nga posible pagtagapolitiko an motibo han insidente tungod nga aktibo nga supporter ni incumbent city Mayor Ronaldo Aquino an mao nga biktima.