TACLOBAN CITY – Padayon pa yana nga guin-iimbestigaran han mga kapulisan an natabo nga pagpatay ha usa nga misis ngan samaran nga mister ha sakob mismo han ira panimalay ha Arado, Palo, Leyte kanina han kaagahon.

 

Ha impormasyon nga nakuha han Bombo Radyo Tacloban tikang kan P/CInsp. Joel Camacho, hepe han Palo Municipal Station, ha pagkayana in mayda na hira lead ha pangilal-an han suspek nga nagpanmumuno ha mag-asawa nga iguinkamatay han misis nga guinkilala kan Mary Ann Igana ngan iguinkasamad han mister hini nga hi Manuel Igana, mga residente han mao nga bungto, pero waray anay hira maghatag hin kadugangan nga impormasyon bahin hini. 

 

Dugang pa ni P/CInsp. Camacho nga iguin-aandam na daw guihapon nira an kaso nga murder nga igpapasaka alakontra ha suspek ha fiscal’s office.

Ha inisyal nga imbestigasyon han kapulisan, guinsisiring nga personal daw nga dilito an motibo ha mao nga insidente.

 

Una hini, manunumduman nga guinsaka han suspetsado an panimalay han mga biktima ngan guinpanmumuno an mga ini.