Injured	Killed
0	3

Date: 08 February 2013
Source: Bombo Radyo

TACLOBAN CITY – Nagpapadayon yana an iguindudumara nga imbestigasyon han mga otoridad bahin han tulo nga lalaki nga nakita nga patay ha Kanangga, Leyte.

An mga biktima nga nakilala la ha mga ngaran nga alyas Francis, alyas Marlon, ngan alyas Tagalog, in aada ha 18 anyos kutob 22 anyos an pangidaron nganguintotoohan nga guinsalvage.

Sumala kan P/Insp. Antonio Ankay Jr. Officer In Charge han Kanangga PNP, nakita an nasabi nga mga patay nga lawas ha Sitio Sagkahan Brgy. Poblacion kon diin an duha ha mga biktima in guinhigtan pa an kamot ngan tiil gamit an cable wire.

Dugang pa ni Ankay, may mga samad ha lawas an mga biktima ngan hi Marlon naman in may igo hin bala hin calibre .45 nga pusil.

Positibo naman nga kinilala an mga biktima nga mga miyembro hin gang nga TBS o True Brown Style ha Ormoc City kon diin nakita guihapon an mga markings hini ha mga biktima.

Nagtotoo naman an mga otoridad nga guinsalvage ini ha mao nga lugar agud diri makilal-an.

Ha pagkayana in waray pa nagki-claim nga mga pamilya han mga biktima ngan aada pa ha morgue ha District Hospital han Kanangga Leyte an mga patay nga lawas.