Injured	Killed
0	0

Date: 13 April 2013
Source: Bombo Radyo

CAGAYAN DE ORO CITY – Posibleng ang kalambigitan sa pyramiding scam ang hinungdan kon nganong giitsahan sa granada ang balay sa usa ka opisyal sa Land Transportation Office kon LTO nga nakabase sa Iligan City niadtong miaging gabii.

Sa paghinabi sa Bombo Radyo Cagayan de Oro kang PNP 10 regional spokesman Supt Ronie Francis Cariaga nga giila ang biktima nga si Monato Mangandang nga residente sa Brgy Tubod sa maong dakbayan.

Matud ni Cariaga nga mao kini ang usa sa mga gitutukan nulang anggulo kon nganong gipabuthan sa granada ang balay sa biktima.

Hinoon dili pa masuta ni Cariaga kon sa Rasuman Group ni Jachob ”Coco” Rasuman o Aman Futures Philippines Incorporated ni Manuel Amalilio nahisakop si Mangandang.

Dili usab masaysay ni Cariaga kon nagsilbi bang investor o agent ang biktima sa maong mga pyramding scam sanglit nagpadayon pa ang ilang pag-imbistigar.

Madumduman nga niadtong miaging mga buwan, usa ka sundalo ang namatay sa dihang giatake ang balay ni Rasuman ug nasignit usab ang bro-in-law niin nga si Henry Khalid Tomawis sa dihang makaduhang higayong napakyas pag-uli sa multi-billion peso investment capital ngadto sa iyang mga kliyente.

Hinoon,wala masamdi ang biktima ug ang bisan ang pamilya niini sa dihang nahitabo ang grenade explosion.

Apan gipamugos ni Mangandang nga dili siya ang gipunting sanglit ang iyang mga mga tawo nga giingong nakakita ug kagubot.