Injured	Killed
0	1

Date: 31 July 2013
Source: Bombo Radyo

DAVAO CITY – Hagba sa daplin nga bahin sa akarsada ang ika-traynta y tres nga biktima sa pagpamusil dinhi sa dakbayan sa Davao karon bulan sa Hulyo natigayon kaganinang mga alas 11:30 ang takna sa buntag.

 

Naila pinaagi sa mga nakuhang dokumento sa iyang posisyon nga usa ka Eduardo Sibyal, Moreno, Jr.,40 anyos, residente sa Barberohan St., Muslim Village, Maa ning dakbayan sa Davao.

 

Natigayon ang pagpamusil sa Gov. Vicente Duterte St., ning dakbayan sa Davao. Mosakay na unta ang biktima sa iyang pick-up type, kolor blue nga multicab.

 

Sumala sa saksi nag-inusara ang suspetsado nga sakay sa motorsiklo, apan mikanaug ug milakay ug duta ayha pa gipusil ang biktima sa tuo nga bahin sa iyang ulo. Patay dayon ang biktima nga naghapa sa kaugalingon nga dugo.

 

Pahi-abot sa anak ug asawa labihang hilaka sa mga nahisgutan gumikan sa wala gayud sila magdahum nga mao kadto ang talan-awon nga mosugat sa ilang mga mata.