Injured	Killed
0	0

Date: 10 July 2013
Source: Bombo Radyo

BACOLOD CITY – Nagpadayon pa ang hot pursuit operation sang 11th Infrantry Battalion batok sa mga nakapalagyo ng mga New People’s Army (NPA) sa nagluntad nga engkuwentro sa Guihulngan City, Negros Oriental kahapon.

 

Ginabanta nga kapin sa 15 ka mga rebelde ang nagpalupok sa mga sundalo nga nagapatigayon sang pagpatrolya sa BarangayTakpao nga nag resulta sang engkuwentro.

 

Nahibaluan nga nagpadulong sa lugar ang mga suldado kasunod sang impormasyon nga ila nabaton kaangot sa presensiya sang mga armado nga grupo sa lugar.

 

Matapos ang pila ka minutos nga pagbayluhanay sang luthang, nakapalagyo ang mga rebelde.

 

Nakakuha naman ang militar sa ginluntaran sang engkuwentro sang calibre 357 na armas, isa ka granada, improvised explosive device (IED) nga may detonating cord, lima bandera sang NPA kag backpack nga naga-unod sang mga subersibo nga documento.