Injured	Killed
1	0

Date: 04 May 2013
Source: Bombo Radyo

TACLOBAN CITY – Samaran an usa nga huwis han RTC Branch 30 Basey Samar kahuman ini pagpamumun-on hin usa nga lalaki ha gawas han ira panimalay ha Real St. dinhi ha syudad han Tacloban kakulop.

Subay ha nahikay nga impormasyon han Bombo Radyo Tacloban tikang kan P/C/Insp. Alex Echon, nakaangkon hin magkaduro-dilain nga samad ha lawas ngan ha ulo hi Judge Tarcelo Sabarre Jr. kahuman ini pagpamumun-on hin damo kabeses han suspect nga guinkilala nga hi Lemuel Paduano.

Dayon naman nga guindara ha hospital hi Judge Sabarre kahuman an insidente.

Dugang pa ni Echon, nadakop daw an suspect tungod na guihapon ha pakikipagsumpayan han mga otoridad ha mga by standers ha gawas han panimalay han nasabi nga biktima.

Ha pagkayana, diri pa klaro kon ano an motibo han suspect ha panmuno kan Judge Sabarre ngan padayon pa guihapon nga guin-iimbestigaran han mga otoridad an mao nga panhitabo.