Injured	Killed
0	1

Date: 07 February 2013
Source: Bombo Radyo

TACLOBAN CITY – Patay na an hostage taker nga security guard han Social Security System (SSS), Samar kanina han alas 4:20 han kulop tungod daw ha “hypovolemia secondary to multiple gun shot wound” subay ha attending physician han Samar Provincial Hospital nga hi Dr. Francisco Catalan.

Sumala kan PNP Regional Office 8 media officer, P/Insp Romuel Nacar, umabot la hin pira ka-oras ha ospital an suspek nga hi Patrocenio Dabocol kun diin dayon daw ini nga namatay.

Padayon naman nga guintatambal han mga doktor ha mao nga hospital an duha nga mga samaran nga hira Melvin Olivas 31, security guard; ngan Junito Mate.

Samtang, tungod daw ha diri maupay nga intrimis an ugat han mao nga pan-hostage nga nagin hinungdan han mapaso nga argumento kun diin dumulo an suspek ngan guinpusil hini an mga biktima.