Injured	Killed
1	0

Date: 10 June 2013
Source: Bombo Radyo

ILOILO CITY– Isa ka homosexual ang diutayan lang nga mapatay matapos ginhold-up sang iya gintabo nga lalaki sa Brgy. Anilao, Pavia, Iloilo.

 

Ang biktima ginkilala nga si Roel Casamayor sang Sto, Rosario Duran, Iloilo City.

 

Sa imbestigasyon sang mga pulis, ang biktima kag ang duha ka suspek nagkilalahay sa fiesta sang nakaligad nga bulan kag kagab-i, naghagaday ang mga ini nga magkadto sa Smallville Complex sa Mandurriao, Iloilo City.

 

Ginhagad sang duha ka biktima nga magkadto sa isa ka fiesta sa banwa sang Pavia kag samtang nagalakat sa bahin sang Iloilo Flood Control Project, ginhold-up sang mga ini ang biktima.

 

Matapos makuha ang wallet nga naga-unod sang P500 kag cellphone, ginbuno sang mga suspek ang biktima kag ginbilin.

 

Ang biktima nasapwan na lamang nga duguon sa flood control kag gindala sa Western Visayas Medical Center.