Injured	Killed
0	1

Date: 22 April 2013
Source: http://www.remate.ph/2013/04/holdaper-patay-sa-engkuwentro-2-kasama-tiklo/

 

TODAS ang isang holdaper habang arestado ang dalawa pang kasama nito matapos kumasa sa tauhan ng Malabon police sa C4 Road Longos, ng lungsod, Linggo ng gabi.

Dead on spot si Jerome Lazarte y Acedera, ng Northbay Boulevard South Navotas, sanhi ng tama ng bala ng 9mm caliber sa mukha.

Habang nadakip naman magkapatid na kasama nito na sina Algie Quinawod, 24-anyos at Albert, 21, pawang taga-Navotas City.

Sa imbestigasyon ni SP01 Eduardo Tribiana, ng Station Investigation Division (SID) ng Malabon police, dakong alas-11:30 ng gabi nang maganap ang insidente sa kahabaan ng Martiniko St., Longos, Malabon.

Nauna rito, ganap na alas-9:00 ng gabi, hinoldap ng mga suspek na armado ng baril ang mga pasahero ng isang pampasaherong jeep na sina Junalyn Betita y Bagoy, 23-anyos, sales promodizer; May Villanueva y Cruz, 30, marketing assistant; at Eliseo Cruz y Carlos, kapwa mga taga-Navotas

Nabatid na kasakay ng mga biktima ang mga suspek patungong Navotas at pagsapit sa tulay ng C-4 Road ay nagdeklara ng holdap.

Habang nakatutok ang baril, nilimas ng mga suspek ang importateng kagamitan at pera ng mga biktima saka mabilis na tumakas.

Humingi ng tulong ang mga biktima sa PCP3 at sa isinagawang follow up operation nina P01 Kirsner Buendia at P01 Christopher Tesio ay natunton ang mga suspek.

Ngunit nang aarestuhin na ay tinangkang bunutin ni Lazarte ang kanyang kalibre 38 baril kaya agad itong pinaputukan ng mga pulis sa mukha na ikinasawi nito.

Narekober sa mga suspek ang isang impovice shot gun at dalawang kalibre 38 baril na kapwa may bala.

Naibalik din ang ilang mga gamit ng mga biktima.