Injured	Killed
0	0

Date: 24 June 2013
Source: Bombo Radyo

CAGAYAN DE ORO CITY-Signit sa kapolisan ang usa sa mga notoryus nga tulisan sa dakbayan sa Cagayan de Oro ug Bukidnon.

 

Sa paghinabi sa Bombo Radyo Cagayan de Oro,gisaysay ni Sr Insp. Elmer Robas nga hepe sa Cugman Police Station nga giila ang suspek nga si John Michael Igama,26 anyos nga residente sa Brgy Diclum,Manolo Fortich,Bukidnon.

 

Sumala ni Robas nga nadakpan nila si Igama tungod sa pagtulis niini sa usa ka bakeshop diin balor P250.00 ang nadala niini.

 

Sa gihimong imbistigasyon,giangkon sa suspek nga mokabat na sa 12 ka higayon siyang nakapanulis sa pagpanulis ning dakbayan ug Bukidnon.

 

Kasagaran sa tulison sa suspek ang lending firms ug mga kababayen-an kuyog ang live-in partner niini nga una nang nadakpan sa kapolisan didto sa Bukidnon.

 

Nakuha sa posisyon sa suspek ang .38 revolver ug daghang nilikit nga drogang marijuana.

 

Positibo usab nga gitudlo sa mga biktima ang suspek nga maoy mitulis kanila hinungdang patung-patong nga kasong kriminal ang ipasaka kaniya ning adlawa.

 

Samtang nangayo usab sa pasaylo ang suspek sa Ginoo ug mga biktima tungod sa iyang nahimong kremin.

 

Gitawag pa niya nga bastos ang demonyo tungod sa paggamit kaniya isip instrumento sa pagsabwag kagubot dinhi sa kalibutan