Kinilala ng San Juan Police ang mga suspek na sina Eric Lacambra, 37-anyos; Cardel Ojeras, 39-anyos; at ka-live-in niyang si Christina Walis, 22-anyos.

Umamin naman ang mga suspek sa krimen at sinabing gipit lamang sila kaya nanghoholdap.

Una nang hinoldap ng mga suspek ang 53-anyos na si Emilio Mercado, driver ng NV Acosta Taxi. 

Kwento ni Mercado, sumakay sa Sta. Cruz, Maynila ang mga biktima at nagpahatid sa San Juan. Pagdating aniya sa madilim na bahagi ng Ibarra Street sa Barangay Addition Hills ay nagdeklara ng holdap ang mga suspek.

Pinagsusuntok at sinakal pa aniya siya ng mga ito saka tinangay ang P5,000 kita. Tinangay din ng mga suspek ang taxi. 

Sa pagsusumbong sa pulisya, nakilala ng mga pulis si Lacambra batay sa pagsasalarawan ng taxi driver.

Agad nagsagawa ng follow-up operation kung saan naabutan pa si Lacambra sa bahay nito na noo’y kadarating lang at narekober pa ang kutsilyong ginamit sa panghoholdap.

Positibo namang kinilala ng iba pang mga nabiktima ang tatlong suspek. Report from Dennis Datu, Radyo Patrol 42