Injured	Killed
0	1

Date: 14 April 2013
Source: Phil Star Pang Masa

MANILA, Philippines – Isang 30-taong gulang na helper ang nasawi makaraang barilin ng sumpak ng kanyang kapitbahay  sa Parola Compound, Tondo, Maynila, kahapon ng umaga.

Kinilala ang biktima na si Daniel Hilario,  residente ng Gate 1, Area A, Parola Compound,  Ton­do, Maynila na nagtamo  ng tama ng  bala  ng sumpak sa ibabang bahagi  ng dibdib.

Pinaghahanap na ang tumakas na suspek na kinilalang si  Mar Hernandez, kapitbahay ng bikima.

Sa ulat ni PO3 Christian Caparas ng Manila Police District-Homicide Section, dakong alas-9:17 ng umaga  nang maganap ang insidente sa tapat ng tahanan ng biktima.

Bago ang insidente ay nagkainuman pa ang bik­tima at suspek kasama ang iba pang kabarkada  at magkaroon ng mainitang pagtatalo ang dalawa pero naawat naman kaagad.

Kinaumagahan, nasor­presa na lamang ang biktima nang biglang lapitan ng suspek na armado ng sumpak at walang sabi-sabing binaril ang bik­tima.

Isinugod pa sa Gat Andres Bonifacio Memorial Medical Center ang biktima subalit hindi na umabot ng buhay.