Injured	Killed
0	0

Date: 10 July 2013
Source: Bombo Radyo

NAGA CITY – Padagos an isinasagibong imbestigasyon ngunyan kan mga otoridad sa nangyaring panlalaog sa harong kan sarong maestra sa banwaan nin Pagbilao, sa Quezon Province.

 

Binisto an biktima na si Marita Maceda, 51 anyos asin residente kan Phase 2 Calumpit Street, Intertown Homes, Barangay Bukal sa nasambitang banwaan.

 

Sa ipinaabot na impormasyon kan Quezon Police Provincial Office sa Bombo Radyo Naga, napag-araman na nilaog kan dai pa nabibistadong suspetsado an residensya kan biktima mantang mayo ini.

 

Sa imbestigasyon, linabot suboot kan suspetsado an bubong kan harong na iyong naging dalan para makalaog digdi.

 

Nalalay kan suspetsado an 1 caliber 22 model M975, maniba-ibang klase nin alahas asin 1 unit nin Acer laptop sa dai pa mapag-aramang kantidad.

 

Mawot na sana kan biktima na madakop an dai pa nabibistong suspetsado.