Injured	Killed
0	0

Date: 10 July 2013
Source: Bombo Radyo

NAGA CITY – Padagos an isinasagibong imbestigasyon kan mga otoridad sa nangyaring panlalaog sa harong kan sarong Barangay Chairman sa banwaan nin Catanauan sa Quezon Province.

 

Binisto an biktima na si Rizalita Pingo, 47 anyos kan Barangay San Antonio Pala sa nasambitang banwaan.

 

Sa ipinaabot na impormasyon kan Quezon Police Provincial Office sa Bombo Radyo Naga, napag-araman na mantang nagtuturog an pamilya kan biktima, naglaog an mga dai pa nabibistong suspetsado sa saindang harong sa paagi kan pagtanggal sa mga jalousie kan saindang bintana.

 

Napagmata na sana suboot an bilog na pamila na raot na an saindang bintana asin mayo na man an pira nindang gamit asin kwarta.

 

Nalalay kan mga suspetsado an sarong wallet, mga alahas na nagkakantidad P20,000 asin kwartang nagkakantidad P300.

 

Padagos pa man an imbestigasyon kan Catanauan PNP para sa pagkakabisto asin pagkakadakop kan mga suspetsado.