Injured	Killed
0	0

Date: 31 July 2013
Source: Bombo Radyo

NAGA CITY – Nabigla na sana an sarong lola kan pagbalik niya sa saiyang harong raot na an saindang bintana asin mayo naman an saiyang mga alahas asin laptop.

 

Binisto an biktimang lola na si Carmelita Penamante, 68 anyos, asin residente kan Purok 6 Barangay San Juan sa banwaan nin Panukulan, Quezon.

 

Sa ipinadarang impormasyon kan Quezon Police Provincial Office sa Bombo Radyo Naga, napag-araman na pwersahang rinaot kan dai pa mabistong suspetsado an saindang bintana harani sa main door para makalaog.

 

Sinamantala kan suspetsado an pagkakataon huli sa nag-out of town si Lola Carmelita para sa saiyang pagpapabulong sa Mandaluyong City.

 

Nalalay kan mga suspetsado an sarong pares na gintong hikaw, sarong pares man na perlas na hikaw, duwang pidasong gold bracelet, 19 gallons nin pintura asin 1 set nin laptop na nagkakantidad P100,000.

 

Mientrastanto padagos pa man an isinasagibong imbestigasyon kan mga otoridad sa posibleng pagkakabisto an pagkakadakop sa mga suspetsado.