Injured	Killed
3	0

Date: 09 June 2013
Source: Bombo Radyo

CAGAYAN DE ORO CITY – Tulo ka kasong rape ang gitakdang atubangon sa usa ka giingong gika-intapang rape suspek human madakpi sa kapolisan diha sa Barangay Bayabas ning dakbayan.

 

Giila ang suspek nga si Diosdado Palasan Jr, 21-anyos nga residente sa Barangay Lumbia ning dakbayan.

 

Sa paghinabi sa Bombo Radyo Cagayan de Oro, gisaysay ni S/Insp. Evan Vinas nga maoy hepe sa Agora Police Station nga gikan sa inom ang suspek ug sa dihang naglaruy-laroy kini sa CM Recto Avenue nakit-an niini ang 11-anyos nga dalagita ug giaghat nga mosakay sa iyang motorsiklo.

 

Sa dili mabutyag nga rason,napasugot niini ang babaye nga mosulod sa lodging house ug didto nahitabo ang pagpanglugos.

 

Gilayong misibat ang suspek ug gibiyaan ang naghilak na lamang sulod sa motel.

 

Apan may nakakita nga concerned citizens hinungdang natuoran sa kapolisan ang gitaguan sa suspek sa Barangay Bayabas ug kini gidakop.

 

Sa paghinabi usab sa Bombo Radyo, giangkon niini nga nakuha niya ang pagka-babaye sa biktima apan dili na niya madumduman kon pila ka higayon niyang nahilabtan tungod sa kahubog.

 

Gibasol niini ang iyang kaugalingon kon nganong dili niya mapugngan nga manglugos sa mga menor de dad kung siya mahubog.

 

Giangkon na usab niini nga sa wala pa nahitabo ang paglugos niya sa biktima,may duha na ka menor de edad nga babaye ang iyang nasikmoy kaniadto hinungdang tipik kini sa iyang atubangon sumbong sa piskalya ning adlawa.