Injured	Killed
0	0

Date: 16 January 2013
Source: http://www.sunstar.com.ph/superbalita-davao/balita/2013/01/16/habal-drayber-gitulis-motor-giapil-og-tangag-263226

PANABO CITY – Nakapanakla na lang ang usa ka habal drayber ug nakapanghupaw human gitulis ug gibitbit ang motor alas 7:30 sa buntag niadtong Martes didto sa Diamond Farm, Barangay Datu Abdul.

Biktima giila sa pangalang Ricky Gudin, 30, minyo, molupyo sa Purok Durian, Barangay New Visayas.

Sa imbestigasyon ni SPO1 Adonis Estenzo, nasayrang si Gudin namasahero og motorsiklong Honda Wave nga walay plaka gikan sa City Proper paingon sa Purok Tagumpay, Gredu.

Apan pag-abot sa nahisgutang dapit, usa ka pasahero nga naila sa pangalang Michael John Tuyugon “Janjan” Palawit milanit og kutsilyo ug gition sa liog sa drayber ug mideklara nga hold-up.

Walay nahimo si Gudin gawas na lamang sa paghatag sa iyang halin nga P500 ug pugsanong gidala sa mga tulisan iyang motorsiklo paingon sa Barangay Little Panay, Panabo City.

Kagahapon, gipasaka na ang kasong Robbery with Intimidation and Carnapping batok ngadto kang Palawit ug sa kauban niya atol sa hitabo. (Teddy Cabana)