Injured	Killed
0	1

Date: 16 January 2013
Source: http://www.sunstar.com.ph/superbalita-davao/balita/2013/01/16/habal-drayber-gipusil-patay-263233

USA ka habal-habal drayber ang namatay human gipusil samtang nagpaabot og pasahero alas 8:45 sa gabii niadtong Martes.

Ang insidente nahitabo didto sa Crossing Eliong, Barangay Tibungco, siyudad sa Davao.

Ang biktima giila sa kapulisan nga mao si Roderick Do¤apon, alyas Boyet, 28, dunay live-in partner, nagpuyo sa Block B-47, Lot 9, Parola Kabayan, Barangay Tibungco.

Base sa inisyal nga imbestigasyon sa Buwanan Police Station, wa nakabantay ang biktima dihang miduol ang usa ka lalaki nga sakay sa gimaneho sa wa mailhing lalaki.

Mga nakasaksi sa krimen nagbutyag nga way daghang pangutana ang mamumuno, kalit gipusil ang biktima makadaghan nga higayon sa kalawasan.

Gisuwayan pagtabang ang biktima sa mga sakop sa Mobile Patrol 27, apan patay na siya dihang miabot ang mga awtoridad.

Dihang natumba ang biktima, suma sa mga nakasaksi, daling misibat ang mamumuno sakay sa nagpaabot kaniyang motorsiklo mao nga gipangita sila karon sa kapulisan.

Ang biktima gihaya karon Rivera Funeral Homes diin gisusi pa sa kapulisan ang motibo sa krimen base sa pahayag sa kabanay sa namatay. (AD)