Injured	Killed
0	0

Date: 15 May 2013
Source: Bombo Radyo

ILOILO CITY – Ginaimbestigahan na sa subong sang mga pulis kun sin-o ang responsible sa duha ka granada nga nasapwan sa Estancia, Iloilo kaina sang kaagahon.

 

Ang isa ka granada nasapwan sa gate sang compound sang mayoralty candidate nga si Mario Golingan.

 

Samtang padulong sa lugar sang mayoralty candidate agud magresponde, isa pa ka granada ang nasapwan sang mga miembro sang Provincial Public Safety Company sa gutter sang balay nga ginapanag-iyahan sang isa ka Mr. Gilbert Jocson.

 

Isa ka M61 fragmentation grenade ang nasapwan sa compound sang mayoralty candidate samtang M67 fragmentation grenade naman sa balay ni Jocson.

 

Maswerte naman nga wala naglupok ang duha ka granada.

 

Nahibaluan nga ang banwa sang Estancia ang kabahin sa mga election watchlist areas sa bag-o lang natapos nga eleksyon sa diin apat ang nagpapili mayor kag nagdaog ang incumbent nga si Mayor Rene Cordero.